தமிழ் மக்களுக்கான அனைத்து தேவைகளையும் செய்து கொடுங்கள்!- அம்பிட்டிய சுமன ரத்தின தேரர்

புதிய ஆட்சியாளர்கள் தமிழ் மக்களினது அனைத்து தேவைகளையும் செய்துகொடுப்பதன் ஊடாக இந்த நாட்டில் அனைத்து இன மக்களும் ஒற்றுமையாகவும் சமாதானமாகவும் வாழ முடியுமென மட்டக்களப்பு மங்களராமய விகாரையின் விகாராதிபதி அம்பிட்டிய சுமன ரத்தின தேரர் அவர்கள் தெரிவித்தார்.
புனித வெசாக் தினமாகிய நேற்று மட்டக்களப்பு மங்களராமய விகாரையில் நடைபெற்ற ஆசி வழங்கும் நிகழ்வுகளின் போது லங்காசிறி இணையத்தளத்திற்கு பிரத்தியேகமாக வழங்கிய வெசாக் தின ஆசிச்செய்தியில் மேற்கண்டவாறு தெரிவித்தார்.

அவர் தொடர்ந்து கூறுகையில்,

இந்த நாட்டில் உள்ள அனைத்து மக்களும் ஒற்றுமையாகவும் சமாதானமானவும் வாழ வேண்டுமென நான் ஆசிகூறுகின்றேன்.

இம்முறை வெசாக் தினத்தை மிகவும் சிறப்பாக நடத்துவதற்கு எமக்கு சந்தர்ப்பம் கிட்டியுள்ளது.

இந்த நாட்டில் நல்லாட்சி ஒன்று ஏற்பட்டுள்ளது. இந்த புதிய ஆட்சியில் தமிழ் மக்களுக்கு தேவையாகவுள்ள அனைத்து தேவைகளையும் செய்து கொடுப்பதன் ஊடாக இந்த நாட்டில் அனைத்து இன மக்களும் ஒற்றுமையாகவும் சமாதானமாகவும் வாழமுடியும் என தெரிவித்தார்.