சமையல்:முடக்கத்தான் தோசை!

தேவையான பொருட்கள்:

புழுங்கல் அரிசி - 1 கப்
முடக்கத்தான் இலை - 2 கப்
வெந்தயம் - 1 டீஸ்பூன்

செய்முறை:

* அரிசியையும், வெந்தயத்தையும் ஊற வைத்து தோசை மாவுக்கு அரைப்பது போலவே அரைத்து, அதனுடன் முடக்கத்தான் இலையையும் நன்கு கழுவிப் போட்டு அரைத்து விடவும்.

* மூன்றையும் ஒன்றாகவே போட்டு அரைக்கலாம்.

* மிகவும் நைசாக முதல் நாள் இரவே அரைத்து வைத்து விடவும்.

* மறுநாள் தோசைக்கல்லில் தோசை போல வார்க்கவும்.

* இதற்கு தேங்காய் சட்னி, பூண்டுச் சட்னி - இரண்டுமே நன்றாக இருக்கும்.

இதன் சிறப்பு:

* வாத நோய் வராமல் தடுக்கிறது.

* பித்தத்தை சுத்தமாக அகற்றி விடுகிறது.

* சிறுவர் முதல் பெரியவர் வரை அனைவரும் விரும்பி உண்பார்கள்.