விளையாட்டில் அரசியல் வேண்டாம்: ரணில் வேண்டுகோள்

விளையாட்டுக்குள் ஊழல் மற்றும் அரசியலை திணிக்க வேண்டாம் என பிரதமர் ரணில் விக்ரமசிங்க வேண்டுகோள் விடுத்துள்ளார்.
சுற்றுலா மற்றும் விளையாட்டு அமைச்சில் நேற்று இடம்பெற்ற சந்திப்பில் கலந்து கொண்ட போதே பிரதமர் இதனை தெரிவித்துள்ளார்.

தேசிய மற்றும் சர்வதேச ரீதியில் விளையாட்டில் நல்லாட்சியை ஏற்படுத்த நடவடிக்கை மேற்கொண்டு வருவதாக அவர் குறிப்பிட்டுள்ளார்.

குறித்த அமைச்சில் இடம்பெற்றதாக கூறப்படும் மோசடிகள் தொடர்பில் ஆராய நியமிக்கப்பட்ட மூவர் அடங்கிய குழுவின் அறிக்கையை சமர்ப்பிப்பது தொடர்பிலேயே இச்சந்திப்பு நடைபெற்றது.

டீ.திஸாநாயக்க தலைவராக உள்ள இந்தக் குழுவில் என்.பத்மநாதன் மற்றும் ரெஸ்லி குஷேன் ஆகியோர் அங்கம் வகிக்கின்றனர்.

குறித்த குழு மேற்கொண்ட ஆய்வில் அமைச்சில் இடம்பெற்ற 18 மோசடிகள் குறித்து தகவல்கள் வழங்கப்பட்டுள்ளன.