பனைமரத்துக்கு கீழ் நின்று பால் குடித்தாலும் கள்ளு குடித்ததாக என்னை இவ்வுலகு தூற்றும்: மகிந்த

நாட்டில் தற்போது காணப்படும் நிலையில் தான் விகாரைக்கு வழிபட சென்றாலும் பிக்குமாருக்கு இலஞ்சம் கொடுத்ததாக கூறுவார்கள் என முன்னாள் ஜனாதிபதி மகிந்த ராஜபக்ச தெரிவித்துள்ளார்.

மாத்தளை புருக்கல ஸ்ரீ தம்மசித்தியாராம சிறி சங்கபோதி பிரிவெனாவிற்கு இன்று விஜயம் செய்த போதே அவர் இதனை கூறியுள்ளார்.

இங்கு பசில் ராஜபக்ச கைது செய்யப்பட்டமை மற்றும் கோத்தபாய ராஜபக்ச இலஞ்ச ஆணைக்குழுவுக்கு அழைக்கப்பட்டமை குறித்து கருத்து வெளியிட்ட முன்னாள் ஜனாதிபதி மகிந்த ராஜபக்ச,

தற்போதைய அரசாங்கம் தான் உட்பட தனது குடும்பத்தினரையும், உறவினர்களையும் தண்டிக்க முயற்சித்து வருவதாக கூறியுள்ளார்.

தண்டனை கொடுக்கும் அளவுக்கு தாம் செய்த குற்றம் என்ன எனவும் கேள்வி எழுப்பியுள்ளார்.

எவ்வாறாயினும் தான் செய்த தவறு என்னவென்று இன்று கேள்வியெழுப்பியுள்ள முன்னாள் ஜனாதிபதி நேற்று நடைபெற்ற வைபவம் ஒன்றில் தான் தவறு செய்தாக கூறியிருந்தமை குறிப்பிடத்தக்கது.