சக்கரத்தாழ்வார் பரிகாரம்

சொந்த தொழில்களில் வருமானமின்றி கஷ்டப்படுவோர், வேலை மாற்றம் விரும்புபவர்கள். சொந்த ஊருக்கு மாறுதல் விரும்புபவர்கள், படித்த படிப்புக்கேற்ற அறிவுக்கேற்ற நல்ல வேலை விரும்புபவர்கள் மதுரை திருமோகூர் பெருமாள் கோவிலில் உள்ள சக்கரத்தாழ்வார் சன்னதி சென்று வழிபடலாம்.

இந்த கோவிலில் சக்கரத்தாழ்வார்தான் சிறப்பம்சம் 16 கைகள், 16 ஆயுதங்களுடன் இவர் திகழ்கிறார். சக்கரத்தாழ்வார் மந்திர எழுத்துக்களுடன் காணப்படுவது இங்கு சிறப்பு. சக்கரத்தாழ்வார் பின்புறம் யோக நரசிம்மர் இருக்கிறார். இதை நரசிம்ம சுதர்சனம் என சொல்வார்கள். இவர்கள் இருவரையும் தொடர்ந்து வணங்கி வர மேற்சொன்ன அனைத்து பிரச்சினைகளில் இருந்தும் நிவாரணம் கிடைக்கும்.

செல்ல முடியாதவர்கள் இந்த புகைப்படத்தை வீட்டு பூஜையறையில் வைத்து சக்கரத்தாழ்வாருக்காகவும், யோக நரசிம்மருக்காகவும் சனிக்கிழமை தோறும் விரதம் இருந்து பூஜை செய்து வரவும்.