தேசிய துக்க தினத்தில் மதுபான விற்பனை: 13 இலட்சம் அபராதம் விதித்த கலால் திணைக்களம்

by oviya Sat Apr 18, 2015 2:28 pm

தேசிய துக்க தினமன்று மதுபானம் விற்பனை செய்த நபருக்கு 13 இலட்சம் ரூபா அபராதம் விதிக்கப்பட்டுள்ளது.
சிலாபம் பகுதியைச் சேர்ந்த வெளிநாட்டு மதுபான விற்பனை நிலையமொன்றின் உரிமையாளருக்கே இவ்வாறு அபராதம் விதிக்கப்பட்டுள்ளது.

அஸ்கிரிய பீடாதிபதியின் இறுதிச் சடங்குகள் நடைபெற்ற தினமான கடந்த 12ஆம் திகதி, இலங்கையில் தேசிய துக்க தினமாக அனுஸ்டிக்கப்பட்டது.

இந்த தினத்தில் குறித்த மதுபானசாலையின் உரிமையாளர் சட்டத்துக்கு விரோதமான முறையில் மதுபானங்களை விற்பனை செய்துள்ளார்.

இக்குற்றத்திற்காக கலால் திணைக்கள ஆணையாளர் நாயகம் எல்.கே.எஸ் குணவர்தனவினால் குறித்த நபருக்கு 13 இலட்சத்து 50 ஆயிரம் ரூபா அபராதம் விதிக்கப்பட்டுள்ளது.