அஸ்கிரிய பீடாதிபதியின் மறைவிற்கு அமெரிக்கா, சீனா இரங்கல்

அஸ்கிரிய பீடாதிபதி உடுகம ஸ்ரீ புத்தரக்கித்த தேரரின் மறைவிற்கு சீனாவும், அமெரிக்காவும் தனது இரங்கலை வெளியிட்டுள்ளன.
இலங்கைக்கு மட்டுமன்றி உலகிற்கே பௌத்தத்தை போதிப்பதற்கு அஸ்கிரிய பீடாதிபதி வழங்கிய சேவையானது அளப்பரியது எனவும், இலங்கைக்கும் சீனாவிற்கும் இடையிலான பௌத்த உறவுகளை வலுப்படுத்த அஸ்கிரிய பீடாதிபதி முக்கிய பங்காற்றியதாகவும் இலங்கைக்கான சீன தூதுவர் யீ யான்லியாங் தெரிவித்துள்ளார்.

அஸ்கிரிய பீடாதிபதி பல தடவைகள் சீனாவிற்கு விஜயம் செய்துள்ளதாகவும் அவருக்கு உயரிய மரியாதை சீனாவில் காணப்படுவதாகவும் அவர் மேலும் குறிப்பிட்டுள்ளார். உலகம் தலைசிறந்த மதத் தலைவர் ஒருவரை இழந்துள்ளதாகவும் அவரது இரங்கல் செய்தியில் தெரிவித்துள்ளார்.

இதேவேளை, அஸ்கிரிய பீடாதிபதிக்கு அமெரிக்கா தனது இரங்கலை வெளியிட்டுள்ளது.அஸ்கிரிய பீடாதிபதியைத் தெரிந்த அமெரிக்கர்களும், இலங்கையர்களும் அவர் மீது மிகுந்த மரியாதை கொண்டுள்ளதாகவும் தெரிவித்துள்ளது.

பௌத்த மத விழுமியங்களின் அடிப்படையில் வாழ்ந்த அஸ்கிரிய பீடாதிபதி அனைவருக்கும் முன்னுதாரணமாக திகழ்ந்தார் என குறிப்பிட்டுள்ளது.