அர்த்தமற்ற செயல்களுக்கு மத்தியில் அரசாங்கத்தை முன்னெடுக்க முடியாது: அஸ்கிரிய மகாநாயக்கர்

by oviya Thu Jun 11, 2015 3:10 pm

நாடாளுமன்றத்தை கலைக்குமாறு விடுக்கப்படும் கோரிக்கை, நம்பிக்கையில்லாப் பிரேரணை மட்டுமல்லாது புதிதாக அமைச்சர்களை நியமிப்பது உட்பட அர்த்தமற்ற செயல்களுக்கு மத்தியில் அரசாங்கம் ஒன்றை முன்னெடுத்துச் செல்ல முடியாது என அஸ்கிரிய மாநாயக்கர் கலகம ஸ்ரீ அத்ததஸ்சி தேரர் தெரிவித்துள்ளார்.
அஸ்கிரிய விகாரையில் இன்று நடைபெற்ற ஊடகவியலாளர் சந்திப்பில் அவர் இதனை கூறியுள்ளார்.

100 நாட்களின் மேற்கொள்வதாக வாக்குறுதி அளித்தாலும் இலங்கையில் உள்ள குறைப்பாடுகள் அனைத்தையும் 100 நாட்களில் செய்து விட முடியாது.

எனினும் செய்ய வேண்டிய வேலைகளையும் பிரதான பணிகள் சிலவற்றையும் செய்து முடித்துள்ளதால், மகிழ்ச்சியடையவும் முடிந்துள்ளது.

ஒரு வேலை முடிந்ததும் நாடாளுமன்றத்தை கலைக்குமாறு ஒரு அணி கூறுவதுடன் மற்றுமொரு அணி கலைக்க வேண்டாம் என்கிறது.

மீண்டும் இரண்டு மூன்று அமைச்சு பதவிகள் வழங்கப்பட்டன. அவர்களும் அதனை ஏற்றுக்கொண்டனர்.

இதற்கு மத்தியில் நம்பிக்கையில்லாப் பிரேரணையையும் கொண்டு வருகின்றனர். இது அரசாங்கமா?. இப்படி அரசாங்கம் ஒன்றை முன்னெடுக்க முடியாது.

சிலர் அதிகார பேராசையால் நாங்கள் வழங்கும் ஆலோசனைகளை மீறி செயற்படுகின்றனர்.