ஜிபோடியில் உள்ள இலங்கையர்களை நாட்டிற்கு அழைத்துவர நடவடிக்கை

யெமனில் இருந்து சீன கப்பலின் ஊடாக ஜிபோடிக்கு அழைத்துச் செல்லப்பட்ட இலங்கையர்களை இன்று நாட்டிற்கு அழைத்துவருவதற்கு நடவடிக்கை எடுக்கப்பட்டுள்ளதாக வெளிநாட்டு வேலைவாய்ப்புப் பணியகம் தெரிவித்துள்ளது.
யேமனில் இடம்பெற்றுக்கொண்டிருக்கும் உள்ளூர் கிளர்ச்சிகளில் சிக்கியிருந்த 43 இலங்கையர்கள் நேற்று காலை சீன கப்பலின் உதவியுடன் ஜிபோடியை சென்றடைந்தனர்.

அவர்களை பாதுகாப்பாக நாட்டிற்கு அழைத்து வருவதற்கான அனைத்து நடவடிக்கைகளும் மேற்கொள்ளப்பட்டுவருவதாக வெளிநாட்டு வேலைவாய்ப்புப் பணியகத்தின் பிரதி பொதுமுகாமையாளர் மங்கள ரன்தெனிய தெரிவித்துள்ளார்.