நேபாளத்திலிருந்து 35 இலங்கையர்களை அழைத்துவர நடவடிக்கை

by oviya Sun Apr 26, 2015 1:02 pm

நேபாளத்தில் உள்ள 35 இலங்கையர்களை நாட்டிற்கு அழைத்துவர நடவடிக்கை எடுத்துள்ளதாக விமானப்படை ஊடக நிறைவேற்று அதிகாரி வின்ங் கொமாண்டர் கிஹான் செனவிரட்ன தெரிவித்துள்ளார்.
பாதுகாப்பு அமைச்சின் ஊடகமையத்தில் இன்று இடம்பெற்ற செய்தியாளர் சந்திப்பில் கலந்துக்கொண்டு கருத்து தெரிவிக்கும் போதே அவர் இவ்வாறு கூறியுள்ளார்.

நோபாளத்தில் நேற்று ஏற்பட்ட நிலநடுக்கத்தினால் பாதிக்கப்பட்ட மக்களுக்கு உதவிகளை வழங்குவதற்காக இலங்கை விமானப்படைக்கு சொந்தமான விமானம், வைத்தியர்கள் மற்றும் முப்படை வீரர்கள் அடங்கிய குழுவுடன் அனுப்பிவைக்கப்பட்டுள்ளது.

இன்று காலை 5.20க்கு இலங்கையிலிருந்து புறப்பட்ட விமானம் காலை 10.30 மணியளவில் காத்மண்டு நகரத்தை சென்றடைந்துள்ளது.

இந்நிலையில் நேபாளத்திலிருந்து நாடு திரும்புவதற்கு விரும்பும் 35 இலங்கையர்கள் அங்குள்ள இலங்கை தூதரகத்தில் தஞ்சமடைந்துள்ளதினால், அவர்களை விமான படை பீ.130 என்ற விமானத்தில் அழைத்துவர எதிர்பார்க்கின்றோம் என அவர் தெரவித்துள்ளார்.