ரகசிய கமெராவில் பெண்கள் உடைமாற்றுவது வயிறுவரை பதிவாகியிருந்தது: எம்.எல்.ஏ. பரபரப்பு தகவல்

ஃபேப்இந்தியா கடையில் பெண்கள் உடைமாற்றுகையில் வயிறுவரை ரகசிய கமெராவில் பதிவாகியிருந்ததாக கன்டோலிம் தொகுதி எம்.எல்.ஏ. மைக்கேல் லோபோ தெரிவித்துள்ளார்.
கோவாவின் கன்டோலிம் நகரில் உள்ள ஃபேப்இந்தியா துணிக் கடைக்கு சென்ற மத்திய அமைச்சர் ஸ்மிருதி, உடைமாற்றும் அறையில் ரகசிய கமெரா இருந்த்து பெரும் அதிர்ச்சியை ஏற்படுத்தியது.

இது குறித்து உள்ளூர் எம்.எல்.ஏ. மைக்கேல் லோபோ கூறுகையில், ஸ்மிருதி இரானிக்கு கோவாவிற்கு விடுமுறைக்காக வந்தபோது, ஃபேப்இந்தியா கடைக்கு சென்று சில துணிகளை தெரிவு செய்து உடை மாற்றும் அறைக்கு சென்றுள்ளார்.

அந்த அறையில் காற்றோட்டத்திற்காக சுவரில் இருந்த பெரிய ஓட்டைகள் வழியாக கமெரா லென்ஸ் தெரிந்துள்ளது.

இதை பார்த்து அதிர்ச்சியடைந்த அவர் அவரின் கணவருக்கும், எனக்கும் தகவல் கொடுத்தார்.

இந்த தொகுதியின் எம்.எல்.ஏ. என்ற முறையில் நான் பொலிசாருக்கு கொடுத்த தகவலையடுத்து, பொலிசார் வந்து பதிவான வீடியோவை பார்த்து பெண்கள் உடைமாற்றுவது படம்பிடிக்கப்பட்டதை கண்டுபிடித்தனர்.

அந்த ரகசிய கமெராவில் பதிவான காட்சிகளில், பெண்கள் உடைமாற்றும் காட்சிகளும் பெண்களின் வயிறு வரை தெரிந்த காட்சிகளும் பதிவாகியிருந்ததை நான் பார்த்தேன்.

இதையடுத்து பொலிசார் அந்த கமெராக்களை பறிமுதல் செய்தனர் என்று தெரிவித்துள்ளார்.