மீண்டும் வகுப்பு பகிஷ்கரிப்பில் ஈடுப்பட்ட யாழ் மாணவர்கள்

யாழ் பல்கலைக்கழக நுண்கலை பீட மாணவர்கள் மீண்டும் இன்றைய தினம் வகுப்பு பகிஷ்கரிப்பில் ஈடுப்பட்டுள்ளனர்.
நுண்கலைபீட துறை தலைவர்களை சந்தித்து பேச்சுவார்த்தையில் ஈடுப்பட்ட போதிலும் மாணவர்களின் கோரிக்கைகளை நிறைவேற்ற நிர்வாக குழு தவறியதையடுத்தே இறுதியாண்டு மாணவர்கள் மீண்டும் வகுப்பு பகிஷ்கரிப்பில் ஈடுப்பட்டுள்ளனர்.

பல்கலைக்கழக நுண்கலை பீடத்தை சேர்ந்த சித்திரமும் வடிவமைப்பும் துறை மாணவர்கள் மூன்றம்ச கோரிக்கைகளை முன்வைத்து தொடர்ந்தும் வகுப்பு பகிஷ்கரிப்பில் ஈடுப்பட்டு வருகின்றனர்.

மாணவர்கள் இந்த மாதத்திலேயெ மூன்று தடவைகள் போராட்டம் நடத்தியுள்ளனர் என்பது குறிப்பிடத்தக்கது.

இதேவேளை மாணவர்களின் பிரச்சினை தொடர்பில் உரியவர்களுக்கு கலைப்பீடாதிபதி ஊடாக கடிதங்கள் அனுப்பப்பட்டுள்ள போதிலும், அந்த கற்கைக்குரிய விரிவுரையாளர்கள் இதுவரை தமது பதிலை வழங்கவில்லை என நுண்கலை பீடத்தின் நடனத்துறை தலைவர் அருட்செல்வி தெரிவித்துள்ளார்.