கூரிய ஆயுதத்தால் தாக்கப்பட்டு இளைஞன் கொலை

கண்டி தவுலகல பகுதியில் இளைஞன் ஒருவர் கூரிய ஆயுதத்தால் தாக்கப்பட்டு கொலை செய்யப்பட்டுள்ளார்.
இந்த சம்பவம் நேற்றிரவு இடம்பெற்றுள்ளதாக தெரிவிக்கப்பட்டுள்ளது.

குறித்த பகுதியிலிருந்த வீடொன்றிலேயே இந்த சம்பவம் இடம்பெற்றுள்ளது.

உயிரிழந்தவர் பிலிமத்தலாவையை சேர்ந்த 21 வயதுடையவர் என விசாரணைகளின் போது தெரியவந்துள்ளது.

இந்த கொலை சம்பவம் காதல் விவகாரம் தொடர்பில் இடம்பெற்றிருக்கலாம் என பொலிஸார் சந்தேகம் வெளியிட்டுள்ளனர்.

இது தொடர்பான மேலதிக விசாரணைகளை பிலிமத்தலாவை பொலிஸார் மேற்கொண்டு வருகின்றனர்.