தற்காலிக ஜாமினாவது வழங்குங்கள்: நீதிமன்றத்திடம் கெஞ்சும் சர்ச்சை சாமியார்

சர்ச்சை சாமியார் ஆசாராம் பாபு தனக்கு தற்காலிக ஜாமினாவது வழங்க வேண்டும் என்று நீதிமன்றத்திடம் மனு அளித்துள்ளார்.
குஜராத் மாநிலம் சூரத்தை சேர்ந்த பெண் ஒருவர், சர்ச்சை சாமியார் ஆசாராம் பாபு (73) ஜோத்பூரில் உள்ள ஆசிரமத்தில் தன்னை பாலியல் பலாத்காரம் செய்ததாக பொலிசில் புகார் அளித்துள்ளார்.

இது தொடர்பாக வழக்குப்பதிவு செய்து விசாரித்த பொலிசார் ஆசாராம் பாபுவை கடந்த 2013-ம் ஆண்டு செப்டம்பர் மாதம் கைது செய்தனர்.

தற்போது ராஜஸ்தான் மாநில சிறையில் ஆசாராம் பாபு அடைக்கப்பட்டுள்ளார்.

இந்நிலையில், அவரது சார்பில் தாக்கல் செய்யப்பட்ட பல ஜாமின் மனுக்கள் தள்ளுபடி செய்யப்பட்ட நிலையில், தற்போது ஆசாராமின் வழக்கறிஞர் அகமதாபாத் மாவட்டத்தில் உள்ள காந்திநகர் நீதிமன்றத்தில் மீண்டும் ஜாமின் மனு ஒன்றை தாக்கல் செய்துள்ளார்.

அதில், கடந்த 19-ம் திகதி இறந்துப்போன தனது சகோதரியின் மகனுக்கு ஈமச்சடங்குகள் செய்ய வேண்டியுள்ள காரணத்தால் ஒருமாத தற்காலிக ஜாமினாவது வழங்க வேண்டும் என ஆசாராம் பாபு கேட்டுள்ளார். மேலும், இந்த மனுமீதான விசாரணை வரும் 23-ம் திகதி நடைபெறும் என தெரிகிறது.