தேங்காய் பறிக்க மரமேறியதில் ஏற்பட்ட விபரீதம்

by oviya Sat Mar 21, 2015 1:12 pm

யாழ். ஏழாலையில் தேங்காய் பறிப்பதற்கு தென்னை மரத்தில் ஏறிய நபர் தவறி விழுந்து உயிரிழந்துள்ளார்.
இந்த சம்பவம் இன்று இடம்பெற்றுள்ளது என பொலிஸ் ஊடக பிரிவு தெரிவித்துள்ளது.

ஏழாலை கிழக்கு பகுதியிலுள்ள வீடொன்றில் இரு தென்னை மரங்களில் ஏறி தேங்காய் பறித்து விட்டு 3வது மரத்தில் ஏறியே போது,

குறித்த தென்னை மரத்திலிருந்து மட்டை ஒடிந்தமையினால் தவறி விழுந்து படுகாயமடைந்த நிலையில் யாழ் போதனா வைத்தியசாலையில் அனுமதிப்பதற்கு கொண்டு செல்லப்பட்ட போது உயிரிழந்துள்ளார்.

உயிரிழந்தவர் ஏழாலை மயிலங்காட்டை சேர்ந்த சின்னவன் இரத்தினம் எனும் 65 வயதுடைய நபர் என விசாரணைகளின் போது தெரியவந்துள்ளது.