நாட்டின் தேசிய கீதத்தை தமிழில் பாடுவது மிகப்பொருத்தமாக இருக்கும்: ராவண பலய

இலங்கையின் தேசிய கீதத்தை தமிழில் பாடுவது மிக பொருத்தமாக இருக்கும் என ராவண பலய அமைப்பின் செயலாளர் இத்தேகந்தே சதாதிஸ்ஸ தேரர் தெரிவித்துள்ளார்.
நேற்று இடம்பெற்ற ஊடகவியலாளர் சந்திப்பில் கலந்து கொண்டு கருத்து தெரிவிக்கும் போதே இவ்வாறு அவர் குறிப்பிட்டுள்ளார்.

சில நாடுகளில் தேசிய கீதத்தை பிரதான மொழியில் பாடுவதில்லை என அவர் சுட்டிக்காட்டியுள்ளார்.

இலங்கை ஒரு சிறிய நாடெனவும் வெவ்வேறு மொழிகளில் தேசிய கீதத்தை கேட்பதனால் ஏற்படும் கொந்தளிப்பில் இருந்த விலகிக்கொள்வதற்கு தமிழ் மொழியில் மட்டும் பாடுவது சிறந்ததென அவர் யோசனையை முன்வைத்துள்ளார்.

சிங்களவர்கள் அதற்கு தயக்கம் காட்டாமாட்டார்கள் எனவும் அவர் குறிப்பிட்டுள்ளார்.