மகிந்த ராஜபக்சவின் தோல்விக்கு பசில் பொறுப்பு கூறவேண்டும்: சுமேதா ஜி ஜயசேன

முன்னாள் ஜனாதிபதி மகிந்த ராஜபக்ச கடந்த ஜனாதிபதி தேர்தலில் தோல்வியுற்றதற்கு முன்னாள் அமைச்சர் பசில் ராஜபக்சவே பொறுப்பு கூற வேண்டும் என முன்னாள் அமைச்சர் சுமேதா ஜி ஜயசேன தெரிவித்துள்ளார்.
நேற்று வானொலி ஒன்றுக்கு வழங்கிய செவ்வியிலேயே அவர் இவ்வாறு குறிப்பிட்டுள்ளார்.

சுமேதா ஜி ஜயசேன மொனராகலை மாவட்டத்தை பிரதிநிதித்துவப்படுத்தி பாராளுமன்றித்திற்கு தெரிவாகியுள்ளார் என்பது குறிப்பிடத்தக்கது.

முன்னாள் ஜனாதிபதியின் தோல்வி குறித்து தொடர்ந்து தெரிவிக்கையில், முன்னாள் ஜனாதிபதி மகிந்த ராஜபக்ச தோல்வியடைந்ததற்கு பொது மக்கள் தான் காரணம் எனவும் அரசியல் என்றால் வெற்றி தோல்வி சாதாரணம் எனவும் கூறியுள்ளார்.

இதேவேளை மகிந்த ராஜபக்ச தோல்வியுற்றதற்கு முன்னாள் அமைச்சர் பசில் ராஜபக்ச பொறுப்பு கூறவேண்டும் தோல்விக்கு அவர் ஒரு பிரதான காரணம் இல்லை என்றால் அவர் நாட்டை விட்டு ஒடியிருக்க மாட்டார்.

மேலும் ஸ்ரீலங்கா சுதந்திர கட்சி மீண்டும் அதிகாரத்திற்கு வரவேண்டுமென்றால் முன்னாள் ஜனாதிபதி மகிந்த ராஜபக்ச மீண்டும் அரசியலுக்கு வரவேண்டுமென நான் விரும்புவது போன்று பொது மக்களும் அதிகம் விரும்புகின்றார்கள் என சுமேதா ஜி ஜயசேன தெரிவித்துள்ளார்.