கத்தியால் குத்திட்டான் டார்லிங்… கொல்லப்பட்ட இந்திய பெண் உதிர்த்த கடைசி வார்த்தை

அவுஸ்திரேலிய கத்திக்குத்துக்குள்ளாகி உயிரிழந்த இந்தியப் பெண், இறப்பதற்கு முன்பு தனது கணவரை தொடர்பு கொண்டு தன்னைக் கத்தியால் குத்தி விட்டதை கூறிய விவரம் வெளியாகியுள்ளது.
பெங்களூரைச் சேர்ந்தவர் பிரபா அருண் குமார் என்ற பெண் அவுஸ்திரேலிய தலைநகர் சிட்னியில் மென்பொருள் பொறியாளராய் பணியாற்றி வந்தார்.

கடந்த 7ம் திகதி பிரபா, வேலை முடிந்து வீட்டுக்கு திரும்பி வந்து கொண்டிருந்தபோது மர்ம நபர்கள் அவரைக் கத்தியால் குத்திக் கொலை செய்துவிட்டு தப்பி விட்டனர்.

அப்போது கீழே விழுந்த பிரபா கைப்பேசி மூலம் தனது கணவரைத் தொடர்பு கொண்டு அவன் என்னைக் கத்தியால் குத்தி விட்டான் டார்லிங் என்று கூறி விட்டு மயங்கி விழுந்துள்ளார்.

இந்த வார்த்தையைக் கூறிய பின்னர் செல்போன் அழைப்பு துண்டிக்கப்பட்டு விட்டது. அதன் பின்னர் அவரை அக்கம் பக்கத்தில் இருந்தோர் மருத்துவமனைக்குக் கொண்டு சென்றுள்ளனர்.

ஆனால் அதற்குள் ரத்தம் அதிகம் போய் விட்டதால் அவர் பரிதாபமாக உயிரிழந்துள்ளார். பிரபாவின் கணவர் அருண் குமார் பெங்களூரில் வசித்து வருகிறார்.

இந்தத் தம்பதிக்கு 9 வயதில் பெண் குழந்தை உள்ளது. தற்போது அருண்குமார் தனது மகளுடன் சிட்னி வந்துள்ளார். அடுத்த மாதம் பிரபா இந்தியா திரும்பவிருந்த நிலையில் கொடூரமான முறையில் மரணத்தைச் சந்தித்துள்ளார்.