சர்வதேச தற்கொலை செய்து கொண்ட இந்தியா! ஆவணப்பட இயக்குனர் ஆவேசம்

இந்தியாவின் மகள்" ஆவணப்படத்தை தடை செய்தது மூலம் இந்தியா சர்வதேச தற்கொலை செய்துகொண்டது என்று அந்த படத்தின் இயக்குனர் தெரிவித்துள்ளார்.
லண்டனில் நேற்று இந்த ஆவணப்படம் ஒளிபரப்பப்பட்ட பின் பேசிய அவர், ”இந்தியாவின் மகள்” மூலமாக இந்தியாவிற்கு எனது நன்றியை தெரிவிக்கவே விரும்பினேன்.

ஆனால் அதை தவறாக புரிந்து கொண்டு அப்படத்தை தடை செய்தது நடைமுறைக்கு முரணாக உள்ளது.

நிர்பயாவிற்காக ஒட்டுமொத்த நாடும் எப்படி எழுச்சியுடன் போராடியது என்பதையும், இந்தியா புதிய மாற்றத்தின் பாதையில் நடைபோட தொடங்கியிருப்பதையுமே அப்படத்தில் காட்சிப்படுத்தியுள்ளேன்.

தற்போது இந்த படத்தை தடை செய்ததன் மூலம் இந்தியா தன்னை தானே சர்வதேச தற்கொலை செய்துகொண்டுள்ளது.

பிரதமர் மோடி நேரத்தை ஒதுக்கி இந்த ஆவணப் படத்தை பார்த்தால் உண்மையை புரிந்து கொள்வார்.

மேலும் அவரின் ”பெண் குழந்தைகளை காப்போம்" என்ற இயக்கத்தின் மூலம் சொல்லி வரும் அதே கருத்தை தான், எனது ஆவணப்படத்தில் முன்வைத்துள்ளேன் என்று தெரிவித்துள்ளார்.