மத்திய வங்கி ஆளுனரின் மருமகன் குறித்து ஆராய ஜனாதிபதி விசாரணை குழு

மத்திய வங்கி ஆளுனர் அர்ஜுன மகேந்திரனின் நெருங்கிய உறவினர் குறித்து முன்வைக்கப்பட்டுள்ள குற்றச்சாட்டுக்கள் தொடர்பில் ஆராய்வதற்கு விசாரணை குழுவொன்று நியமிக்கப்பட்டுள்ளது.
ஜனாதிபதி மைத்திரிபால சிறிசேனவின் ஆலோசனையின் பேரிலேயே மூவரடங்கிய குழுவொன்று நியமிக்கப்பட்டுள்ளது என ஜனாதிபதி ஊடக பிரிவு தெரிவித்துள்ளது.

ஜனாதிபதியின் செயலாளர் பி.பீ.அபேகோன் இக்குழுவை நியமித்துள்ளார்.

மத்திய வங்கி ஆளுனரின் மருமகன் மீது மத்திய வங்கி திறைசேரி பிணைப்பத்திர விநியோகத்தில் மோசடி இடம்பெற்றமை உள்ளிட்ட குற்றச்சாட்டுக்கள் சுமத்தப்பட்டுள்ளமை குறிப்பிடத்தக்கது.