தேசிய அரசாங்கத்தை எதிர்க்கும் குமார வெல்கம- சுதந்திர கட்சியின் ஊடக பேச்சாளராக டிலான் பெரேரா

தேசிய அரசாங்கம் என்ற எண்ணக்கருவை தான் எதிர்ப்பதாக முன்னாள் அமைச்சர் குமார வெல்கம தெரிவித்துள்ளார்.
கொழும்பு இலங்கை மன்றக்கல்லூரியில் நேற்று நடைபெற்ற ஸ்ரீலங்கா சுதந்திரக் கட்சியின் மத்திய செயற்குழுக் கூட்டத்தில், தேசிய அரசாங்கம் என்ற எண்ணக்கருவுக்கு கட்சியின் ஏகமனதாக விருப்பம் கிடைத்ததுடன் குமார வெல்கம மாத்திரம் அதனை எதிர்த்துள்ளார்.

மத்திய செயற்குழுக் கூட்டம் ஜனாதிபதி மைத்திரிபால சிறிசேன தலைமையில் நடைபெற்றது.

கட்சியின் ஒருங்கிணைப்பு வலையமைப்பை வலுப்படுத்தும் விதம், கட்சியின் வேலைத்திட்டம், ஸ்ரீலங்கா சுதந்திரக் கட்சியின் நாடாளுமன்ற உறுப்பினர்கள் ஐக்கிய தேசியக் கட்சியுடன் இணைந்து அமைச்சு பதவிகளை பெற்றுக்கொள்வது தொடர்பாகவும் மத்திய செயற்குழுவில் கலந்துரையாடப்பட்டதாக கட்சியின் செயலாளர் அனுரபிரியதர்ஷன யாப்பா தெரிவித்துள்ளார்.

ஸ்ரீலங்கா சுதந்திர கட்சியின் ஊடக பேச்சாளராக டிலான் பெரேரா

ஸ்ரீலங்கா சுதந்திர கட்சியின் ஊடக பேச்சாளராக முன்னாள் அமைச்சர் மற்றும் பாராளுமன்ற உறுப்பினர் டிலான் பெரேரா நியமிக்கப்பட்டுள்ளார்.

இலங்கை மன்றக்கல்லூரியில் ஸ்ரீலங்கா சுதந்திர கட்சியின் மத்திய செயற்குழு கூட்டம் நேற்று மாலை இடம்பெற்றுள்ளது. இந்த கூட்டத்தில் டிலான் பெரேரா ஊடக பேச்சாளராக நியமிக்கப்பட்டுள்ளார் என தெரிவிக்கப்படுகின்றது.