வை.கே.சிங்ஹாவுக்கும், ஜோசப்பிற்கும் இடையில் இன்று சந்திப்பு

இலங்கை, இந்திய மீனவர்கள் பிரச்சினை குறித்து விசேட கலந்துரையாடலொன்று இடம்பெறவுள்ளது.
இலங்கைக்கான இந்திய உயர்ஸ்தானிகர் வை.கே.சிங்ஹா மற்றும் கடற்றொழில் அமைச்சர் ஜோசப் மைக்கல் பெரேரா ஆகியோருக்கு இடையில் இன்று இடம்பெறவுள்ளது.

இலங்கைக்கான இந்திய உயர்ஸ்தானிகர் வை.கே.சிங்ஹா விடுத்த வேண்டுகோளின் அடிப்படையிலேயே இவ்விசேட சந்திப்பு இடம்பெறவுள்ளது.

இந்த சந்திப்பின் போது இருநாட்டு மீனவர்களுக்கு இடையில் ஏற்பட்டுள்ள பிரச்சினைகள் குறித்து விசேட அவதானம் செலுத்தப்படவுள்ளது.

கடந்த காலங்களில் இருநாட்டு மீனவ பிரதிநிதிகளுக்கும் இடையில் பேச்சுவார்த்தைகள் நடைபெற்ற போதிலும் இதுவரை இருநாட்டு மீனவர்களுக்கு இடையிலான பிரச்சினைகளுக்கு தீர்வு காணப்படவில்லை.

இந்நிலையிலேயே இருநாட்டு மீனவர்களுக்கு இடையிலான பிரச்சினைக்கு நட்புறவுடன் தீர்வு காணும் நோக்கிலேயே இச்சந்திப்பு இடம்பெறவுள்ளது என கடற்றொழில் அமைச்சர் ஜோசப் மைக்கல் பெரேரா தெரிவித்துள்ளார்.