ஜனாதிபதி - விமாப்படை தளபதிக்கு இடையில் சந்திப்பு

விமானப்படை தளபதியாக பதவிகளை பொறுப்பேற்றுக்கொண்ட எயார் மார்ஷல் ககன புளத்சிங்கள, ஜனாதிபதி மைத்திரிபால சிறிசேனவை சந்தித்து பேச்சுவார்த்தை நடத்தியுள்ளார்.
அவர் ஜனாதிபதி காரியாலயத்தில் வைத்து இன்று ஜனாதிபதியை சந்தித்துள்ளார் என ஜனாதிபதி ஊடக பிரிவு தெரிவித்துள்ளது.

கடமைகளை பொறுப்பேற்று கொண்டதன் பின்னர் அரச தலைவரை சந்திக்கும் சம்பிரதாயத்தின் அடிப்படையிலேயே விமானப்படை தளபதி, ஜனாதிபதியை சந்தித்துள்ளார்.

எயார் மார்ஷல் ககன புளத்சிங்கள, இலங்கையின் 15வது விமானப்படை தளபதியாக பதவிகளை பொறுப்பேற்று கொண்டதை நினைவூட்டும் வகையில் ஜனாதிபதி மைத்திரிபால சிறிசேனவுக்கு ஞாபக சின்னமொன்றையும் வழங்கிவைத்தார்.