கடமையில் இருந்த இராணுவ வீரர் மாரடைப்பில் மரணம்

மட்டக்களப்பு கிரான் தொப்பிகல இராணுவ முகாமில் கடமையாற்றிய இராணுவ வீரர் நேற்று கடமையில் இருந்த போது மாரடைப்பு காரணமாக உயிரிழந்துள்ளதாக வாழைச்சேனை பொலிஸார் தெரிவித்தனர்.
மாவனல்ல பிரதேசத்தைச் சேர்ந்த லான்ஸ் கோப்ரல் செனவிரட்ன ஜேபி (வயது 58) என்ற இராணுவ வீரரே இவ்வாறு உயிரிழந்துள்ளார்.

இவரது சடலம் வாழைச்சேனை ஆதார வைத்தியசாலையில் வைக்கப்பட்டுள்ளதுடன், பிரேத பரிசோதனையின் பின்னர் சடலத்தை உறவினர்களிடம் ஒப்படைப்பதற்கான நடவடிக்கைகளை இராணுவத்தினர் மேற்கொண்டு வருவதாவும் பொலிஸார் மேலும் தெரிவித்தனர்.