இலங்கை வரவுள்ள பாகிஸ்தான் இராணுவ தலைமையதிகாரி - இராணுவ அதிகாரியின் விஜயம் ஒத்திவைப்பு

பாகிஸ்தான் இராணுவ தலைமையதிகாரி ஜெனரல் ரசீல் செரீப் இன்று மாலை இலங்கை வருகைத்தரவுள்ளார்.
இலங்கையின் இராணுவத்தளபதி கிருசாந்த டி சில்வாவின் அழைப்பின் பேரிலேயே அவர் இலங்கை வரவுள்ளார்.

5 நாட்கள் இலங்கையில் தங்கியிருக்கும் இவர், ஜனாதிபதி, பிரதமர் மற்றும் பீல்ட் மார்ஷல் சரத் பொன்சேகா உள்ளிட்டவர்களை சந்தித்து கலந்துரையாடவுள்ளார்.

இதனை தவிர கண்டி, காலி, தியத்தலாவை மற்றும் நுவரெலியா ஆகிய இடங்களுக்கும் விஜயம் மேற்கொள்ளவுள்ளார்.

பாகிஸ்தான் மற்றும் இலங்கைக்கிடையிலான பாதுகாப்பு உறவை வலுப்படுத்துவதே இவரின் விஜயத்தின் நோக்கம் என்று தெரிவிக்கப்படுகின்றது.

பாகிஸ்தான் இராணுவ அதிகாரியின் விஜயம் ஒத்திவைப்பு

பாகிஸ்தான் இராணுவ தலைமையதிகாரி ஜெனரல் ரசீல் செரீப்பின் இலங்கை விஜயம் ஒத்திவைக்கப்பட்டுள்ளது.

05 நாட்கள் விஜயம் மேற்கொண்டு பாகிஸ்தான் இராணுவ தலைமையதிகாரி ஜெனரல் ரசீல் உட்பட குழுவினர் இன்று மாலை இலங்கை வரவிருந்தார்கள்.

எனினும் தவிர்க்க முடியாத காரணத்தினால் குறித்த விஜயம் ஒத்திவைக்கப்பட்டுள்ளதாக தகவல் கிடைத்துள்ளதென இராணுவ ஊடக பேச்சாளர் பிரிகேடியர் ஜயனாத் ஜயவீர தெரிவித்துள்ளார்.

இலங்கையின் இராணுவத்தளபதி கிருசாந்த டி சில்வாவின் அழைப்பின் பேரிலேயே அவர் இன்று இலங்கை வரவிருந்தார்.