வாட்ஸ் அப்பில் பரவிய பாலியல் வீடியோ: உச்சநீதிமன்றம் அதிரடி உத்தரவு

வாட்ஸ் அப் மற்றும் சமூக வலைதளங்களில் பரவிய பாலியல் வன்புணர்வு வீடியோவை ஆதாரமாக வைத்து விசாரணை நடத்த உச்சநீதிமன்றம் முன்வந்துள்ளது.
சமூக வலைதளங்களில் சில நாட்களுக்கு முன், இரண்டு பெண்கள் கும்பல் ஒன்றால் பாலியல் வன்புணர்வு செய்யப்பட்ட வீடியோ பரவலாக பரவி வந்தது.

மேலும், அந்த வீடியோவில் அந்த செயலில் ஈடுபட்டவர்கள் சிரித்தபடி இருந்தனர்.

இதையடுத்து ஐதராபாத்தை சேர்ந்த சமூக ஆர்வலர் சுனிதா கிருஷ்ணன் என்பவர், இந்த கும்பலில் உள்ள கொடூரர்களின் முகத்தை வீடியோவில் வட்டமிட்டு எளிதில் அடையாளம் காணும் வகையில் யுடியூப்பில் வெளியிட்டார்.

மேலும், இவர்களை அடையாளம் காட்ட அனைவரும் உதவ வேண்டும் என்று கோரிக்கை விடுத்தார்.

இந்நிலையில் தற்போது இந்த விவகாரத்தில் உச்சநீதிமன்றம் தலையிட்டுள்ளது.

மேலும், இவ்விடயத்தில் தானாக முன்வந்துள்ள உச்ச நீதிமன்றம், சமூக வலைதளங்களில் பரவிய அந்த வீடியோவை ஆதாரமாக வைத்து சிபிஐ விசாரணை நடத்த உத்தரவிட்டுள்ளது.