லஞ்ச ஊழல்களை விசாரிக்க தனியான நீதிமன்றம்!- பணிப்பாளர்

லஞ்ச ஊழல் தொடர்பில் கிடைத்துள்ள முறைப்பாடுகளை விசாரிக்கவென தனியான நீதிமன்றம் தேவை என்ற விடயத்தை முன்வைத்துள்ளதாக லஞ்ச ஊழல் ஒழிப்பு ஆணைக்குழுவின் புதிய பணிப்பாளர் தில்ருக்ஸி விக்கிரமசிங்க தெரிவித்துள்ளார்.
இது தொடர்பில் தாம் நீதியமைச்சருடன் கலந்துரையாடியுள்ளதாக அவர் குறிப்பிட்டுள்ளார்.

ஆணைக்குழுவி;ல் தற்போது 48 அதிகாரிகளே உள்ளனர்.

எனவே அந்த எண்ணிக்கையை அதிகரிக்க வேண்டியுள்ளதாக தில்ருக்ஸி தெரிவித்துள்ளார்.

நீதியமைச்சர் விஜயதாஸ ராஜபக்ச நேற்று ஆணைக்குழுவுக்கு விஜயம் செய்த பின்னரே ஆணைக்குழுவின் பணிப்பாளர் இந்தக் கருத்துக்களை வெளியிட்;டுள்ளார்.

ஊழல்கள் தொடர்பில் தற்போது, 1600 முறைப்பாடுகள் தொடர்பில் விசாரணைகள் ஆரம்பிக்கப்பட்டு;ள்ளன என்றும் அவர் குறிப்பிட்டுள்ளார்.