இலங்கையருக்கு மரண தண்டனை: சவுதிக்கு விஜயம் செய்யும் ஹக்கீம்

அமைச்சர் ரவூப் ஹக்கீம் சவுதி அரேபியாவிற்கு விஜயம் மேற்கொள்ளவுள்ளதாக தெரிவிக்கப்படுகின்றது.

சவுதி அரேபியாவில் மரண தண்டனையை எதிர்கொண்டுள்ள இலங்கைப் பிரஜைகள் மூவர் தொடர்பாக அந்நாட்டு அரசாங்கத்துடன் பேச்சு நடத்தவே இவர் சவுதிக்கு விஜயம் செய்யவுள்ளதாக சவுதி அரேபியாவிலுள்ள இலங்கை தூதரக ஆலோசகர் ஆதம் பாவா உதுமாலெப்பை தெரிவித்துள்ளார்.

சவுதி செல்லவுள்ள அமைச்சர் ரவுப் ஹக்கீம் மரணமடைந்த நபரது உறவினர்களுக்கு நட்டஈடு வழங்கியோ அல்லது மரண தண்டனையை இரத்து செய்து தண்டணை காலத்தை குறைப்பது தொடர்பில் அந்நாட்டு அரசாங்கப் பிரதிநிதிகளுடன் பேச்சு நடத்தவுள்ளதாக தெரிவிக்கப்படுகிறது.

கடந்த 10 வருடங்களுக்கு முன்னர் யெமன் நாட்டுப் பிரஜை ஒருவரை கொலை செய்த குற்றச்சாட்டின் பேரில் இலங்கையச் சேர்ந்த 6 பேரும், இந்தியாவைச் சேர்ந்த ஐவரும் கைது செய்யப்பட்டிருந்தனர்.

குற்றம் நிரூபிக்கப்பட்டுள்ள நிலையில் இலங்கையர்கள் மூவருக்கு மரண தண்டனை விதித்து அந்நாட்டு ஜெத்தா நீதிமன்றம் தீர்ப்பளித்துள்ளமை குறிப்பிடத்தக்கது.