இலங்கைக்கு விஜயம் செய்யும் ஜேர்மனிய உயர் அதிகாரி

ஜேர்மனியின் உயர் அதிகாரி ஒருவர் விரைவில் இலங்கைக்கு விஜயம் செய்யவுள்ளதாக கொழும்பிலுள்ள ஜேர்மனிய தூதரகம் அறிவித்துள்ளது.
ஜேர்மனிய வெளியுறவுத்துறையின் ஆசிய பசுபிக் பிராந்திய பணிப்பாளர் பீட்டர் பெரூகெல், எதிர்வரும் 9 ஆம் திகதி முதல் 13ஆம் திகதி வரை இலங்கையில் தங்கியிருப்பார்.

இவ்விஜயத்தின் போது இரு தரப்பு உறவுகள் குறித்தும் இலங்கை அரசாங்கத்துடன் பேச்சவார்த்தை நடத்தப்படவுள்ளது. அத்துடன் எதிர்க்கட்சியினர், சிவில் சமூகத்தினர், சமய தலைவர்கள் ஆகியோரையும் ஜேர்மனிய அதிகாரி சந்திக்கவுள்ளார்.

இதேவேளை ஜேர்மனிய குழுவினர் யாழ்ப்பாணம், மன்னார் ஆகிய இடங்களுக்கு சென்று படைத்தரப்பினரையும் சந்திக்கவுள்ளார் எனவும் தெரவிக்கப்படுகின்றது.