கிழக்கு மாகாண விவகாரம்: ஆராய்வதற்கு குழுவை நியமித்தது கூட்டமைப்பு

கிழக்கு மாகாண சபையில் அமைச்சுப் பொறுப்புக்களைப் பெறுவதா? இல்லையா என்பது தொடர்பில் ஆராய்வதற்கு தமிழ் தேசிய கூட்டமைப்பு மூன்று நபர்களைக் கொண்ட குழுவொன்றை நியமித்துள்ளது.
ஸ்ரீலங்கா முஸ்லிம் காங்கிரஸ், பொதுஜன ஐக்கிய முன்னணியுடன் இணைந்து கிழக்கு மாகாண சபையில் ஆட்சியைக் கைப்பற்றியுள்ளது.

இந்த நிலையில், இணக்க அரசியலை ஏற்படுத்த ஐக்கிய தேசியக் கட்சிக்கும், த.தேசியக் கூட்டமைப்புக்கும் முஸ்லிம் காங்கிரஸ் அழைப்பு விடுத்திருக்கின்றமை குறிப்பிடத்தக்கது.

இதேவேளை, கிழக்கு மாகாண சபையில் எதிர்க்கட்சியான தமிழ்த் தேசியக் கூட்டமைப்புக்கு ஒரு மாகாண அமைச்சர் பதவியையும், தவிசாளர் பதவியையும் வழங்க இணக்கம்காணப்பட்டுள்ளதாக தெரிவிக்கப்படுகிறது.

இது தொடர்பில் ஆராயவே கூட்டமைப்பு குழுவொன்றை நியமித்துள்ளது.