காதல் மனைவியின் உயிரை காப்பாற்ற சிறுநீரக தானம் செய்த அன்புக் கணவர்

டெல்லியில் காதல் மனைவியின் உயிரை காப்பாற்றுவதற்காக, கணவர் ஒருவர் தனது சிறுநீரகத்தை தானம் செய்துள்ளார்.
டெல்லியின் காசியாபாத்தை சேர்ந்த தொழிலதிபர் அருண் தல்வார். இவரது மனைவி பூஜா, கடந்த வருடம் உடல் நலக்குறைவால் மருத்துவமனையில் அனுமதிக்கப்பட்டார்.

அவரை பரிசோதனை செய்த மருத்துவர்கள் இரண்டு சிறுநீரகமும் செயலிழந்ததாக தெரிவித்தனர்.

உடனடியாக தன் சிறுநீரகத்தை மனைவிக்கு பொருத்திவிடுங்கள் என்று அருண் கூறினார். ஆனால் அவரது ரத்தம் ‘பி பாசிடிவ்’ வகையை சேர்ந்தது என்பதால் வேறு ஒருவரின் சிறுநீரகத்தையே பூஜாவுக்கு பொருத்த முடியும் என்று மருத்துவர்கள் தெரிவித்தனர்.

இதற்காக அவர் பல மருத்துவமனைகளுக்கு சென்று தன்னார்வலர்கள், மருத்துவர்கள், நோயாளிகள் என்று பல தரப்பட்டவர்களை சந்தித்தார்.

அப்போதுதான் 22 வயது நோயாளி ஒருவருக்கு ‘பி பாசிட்டிவ்’ ரத்தம் கொண்டவரின் சிறுநீரகம் தேவைப்படுவது தெரியவந்தது.

உடனே, தன் மனைவியின் மேல் கொண்ட காதலால் அருண் அந்த நோயாளிக்கு தனது சிறுநீரகத்தை கொடுத்தார்.

அதேசமயம், தன் மகன் மீது கொண்ட பாசத்தால் அந்த நோயாளியின் அம்மா தனது சிறுநீரகத்தை அருணின் மனைவிக்கு கொடுத்தார்.

தற்போது இருவரும் சிகிச்சை முடிந்து நலமுடன் இருப்பதாக மருத்துவர்கள் தெரிவித்துள்ளனர்.