ஓசூரில் பயங்கரம்: தடம்புரண்ட ரயில்… 8 பேர் பலி

by oviya Fri Feb 13, 2015 2:18 pm

ஓசூர் அருகே எர்ணாகுளம் இன்டர்சிட்டி ரயில் தடம்புரண்டதில் 8 பேர் பலியாகியுள்ளனர்.
பெங்களூரில் இருந்து கோவை வழியாக எர்ணாகுளம் சென்ற இன்டர்சிட்டி எக்ஸ்பிரஸ் ரயில் இன்று காலை ஓசூர் அருகே ஆணைக்கல் என்ற இடத்தில் திடீரென தடம்புரண்டது.

இந்த விபத்தில் டி-8, டி-9 (2 ஏ.சி. பெட்டி, 2 பொதுப் பெட்டி) உள்ளிட்ட 4 பெட்டிகள் தடம் புரண்டுள்ளது.

பாறை விழுந்ததால் விபத்து ஏற்பட்டதாக கூறப்பட்ட நிலையில், இந்த விபத்தில் முதற்கட்டமாக 8 பேர் பலியானதாக அதிகாரிகள் தகவல் தெரிவித்துள்ளனர்.

மேலும், சேதமடைந்த பெட்டிகளில் பல பயணிகள் சிக்கி இருப்பதாகவும் கூறப்படுகிறது.

இந்த விபத்து பற்றிய தகவல் கிடைத்ததும் சம்பவ இடத்திற்கு ரயில்வே ஊழியர்களும், தீயணைப்பு வீரர்களும் விரைந்து சென்று மீட்பு பணியில் ஈடுபட்டுள்ளனர்.