யாழில் முன்னிலை சோஷலிச கட்சியினர் கையெழுத்துப் போராட்டம்

யாழ்ப்பாணம் மத்திய பேருந்து நிலையத்துக்கு முன்பாக முன்னிலை சோஷலிச கட்சியின் ஏற்பாட்டில் கையெழுத்து போராட்டமொன்று இன்று முன்னெடுக்கப்பட்டது.
இந்தப் போராட்டம் நாடளாவிய ரீதியில் முன்னெடுக்கப்பட்டு வருவதாக முன்னிலை சோஷலிச கட்சி தெரிவித்துள்ளது.

குமார் குணரட்னத்தின் அரசியல் உரிமையை பறிக்காதே, காணாமற்போனோர், கடத்தப்பட்டோரின் விபரங்களை வெளிப்படுத்து, அரசியல் கைதிகளை விடுதலை செய் ஆகிய 3 கோரிக்கைகளை முன்வைத்து இந்த கையெழுத்து போராட்டம் முன்னெடுக்கப்படுகின்றது.