மக்களுக்கு நன்மை ஏற்படும் திட்டங்கள் நிறுத்தப்பட மாட்டாது: கயந்த கருணாதிலக்க

மக்களுக்கு நன்மை ஏற்படும் அபிவிருத்தித் திட்டங்கள் நிறுத்தப்பட மாட்டாது என ஊடக அமைச்சர் கயந்த கருணாதிலக்க தெரிவித்துள்ளார்.
நாடாளுமன்றில் நேற்று உரையாற்றிய போது அவர் இதனைக் குறிப்பிட்டுள்ளார்.

கடந்த அரசாங்கம் கிராமிய அபிவிருத்தித் திட்டம் என்ற போர்வையில் பாரியளவில் நிதி மோசடிகளில் ஈடுபட்டது.

இதனால் மக்கள் பெரும் அதிருப்தியுடன் வாழ்ந்து வந்தனர். இது குறித்து விசாரணை நடத்துமாறு மக்கள் எம்மிடம் கோரி வருகின்றனர்.

அபிவிருத்தித் திட்டங்களின் தன்மைகள் குறித்து ஆராய்ந்து, மக்களுக்கு நன்மை ஏற்படக்கூடிய திட்டங்கள் மீள நடைமுறைப்படுத்தப்படும்.

அரசியல்வாதிகளுக்கு அதிகளவு பன்முகப்படுத்தப்பட்ட நிதியை இந்த அரசாங்கமே ஒதுக்கியுள்ளது என அவர் தெரிவித்துள்ளார்.