ரஷ்யாவில் இலங்கை மாணவர் ஒருவர் தீ விபத்தில் பலி

ரஷ்யாவின் மொஸ்கோ தேசிய மருத்துவ ஆராச்சி பல்கலைக்கழகத்தின் மாணவர் விடுதியில் ஏற்பட்ட தீயில் சிக்கி கடும் தீக்காயங்களுக்கு உள்ளான நிலையில் சிகிச்சை பெற்று வந்த இலங்கை மாணவர் உயிரிழந்துள்ளார்.
கடந்த 22 ஆம் திகதி இரவு ஏற்பட்ட தீயில் மிஹிர உவிந்து விஜேராம என்ற இலங்கை மாணவர் உட்பட 40 பேர் தீக்காயங்களுக்கு உள்ளாகினர்.

விடுதியில் இரண்டாவது மாடியில் தீ ஏற்பட்டது. அந்த சந்தர்ப்பத்தில் குழப்பமடைந்த மாணவர்கள் தீ பரவும் பகுதியை நோக்கியே ஓடிச் சென்றுள்ளனர்.

இதனால், சில மாணவர் விஷ வாயு தாக்கத்தினால் சுகவீனமடைந்ததுடன் சிலர் தீக்காயங்களுக்கு உள்ளாகினர்.

இவ்வாறு தீக்காயங்களுக்கு உள்ளான மிஹிர உவிந்து விஜேராம நேற்று உயிரிழந்தார்.

களுத்துறை பலாதொட்ட பிரதேசத்தை சேர்ந்த இந்த மாணவர் கொழும்பு ஆனந்த கல்லூரியின் பழைய மாணவராவார்.

உயர் தர வகுப்பில் உயிரியல் விஞ்ஞானப் பிரிவில் கல்வி பயின்றி அவர், உயர்கல்வி அமைச்சு வழங்கிய புலமைப்பரிசில் மூலம் மொஸ்கோ தேசிய மருத்துவ ஆராச்சி பல்கலைக்கழகத்தில் இணைந்தார்.

உயிரிழந்த மாணவரின் உடலை இலங்கை கொண்டு வரும் நடவடிக்கைகளை உயர்கல்வி அமைச்சும், வெளிவிவகார அமைச்சும் மேற்கொண்டுள்ளன.