அனுஷ இடத்திற்கு சுஹய்ர் நியமனம்!

தொலைத்தொடர்பு ஒழுங்கமைப்பு ஆணைக்குழுவின் பணிப்பாளர் நாயகமாக எம்.எம்.சுஹய்ர் நியமிக்கப்பட்டுள்ளார்.
நேற்று மாலை ஜனாதிபதி காரியாலயத்தில் ஜனாதிபதி மைத்திரிபாலவின் கையால் இவர் நியமனக்கடிதத்தை பெற்றுக்கொண்டதாக ஜனாதிபதி ஊடகப் பிரிவு தெரிவிக்கின்றது.

1994ஆம் ஆண்டு அரசியலில் இணைந்து கொண்ட சுஹய்ர் 2000ஆம் ஆண்டு வரை பாராளுமன்ற உறுப்பினராக பாராளுமன்றத்தை பிரதிநிதித்துவப்படுத்தியுள்ளார்.

தொலைக்காட்சி கூட்டுத்தாபனத்தின் தலைவராக செயற்பட்ட சுஹய்ர் ஈரான் தூதராக செயற்பட்டார் என ஜனாதிபதி ஊடக பிரிவு தெரிவிக்கின்றது.

கடந்த அரசாங்கத்தின் கீழ் தொலைத்தொடர்பு ஒழுங்கமைப்பு ஆணைக்குழுவின் பணிப்பாளராக அனுஷ பெல்பிட்ட செயற்பட்டார் என்பது குறிப்பிடதக்கது.