தயாசிறி வேண்டாம், வேண்டும் என்ற ஆர்ப்பாட்டத்தில் மோதல்

மேல் மாகாண முதலமைச்சர் தயாசிறி ஜயசேகரவிற்கு எதிராக இன்று காலை அக்கட்சி தலைமயகத்திற்கு முன்னால் சிலர் எதிர்ப்பு ஆர்ப்பாட்டத்தில் ஈடுபட்டுள்ளனர்.

ஜனாதிபதி தேர்தலுக்கு முன்னர் முன்னாள் ஜனாதிபதி மகிந்த ராஜபக்ஷவிற்கு ஆதரவு வழங்கியவர் தற்பொழுது ஜனாதிபதி மைத்திரிபாலவிற்கு ஆதரவு வழங்கியமைக்கு எதிராக ஆர்ப்பாட்டத்தில் ஈடுபட்டுள்ளதாக தெரிவிக்கப்படுகின்றது.

தயாசிறி ஜயசேகரவிற்கு ஆதரவாக போராட்டம் இடம்பெற்ற இடத்திற்கு அருகில் வேறு சிலர் ஆர்ப்பாட்டத்தில் ஈடுபட்டுள்ளதாக தெரிவிக்கப்படுகின்றது.

ஆர்ப்பாட்டத்தில் ஈடுபட்ட இரண்டு குழுக்களுகிடையில் மோதல் நிலை ஏற்பட்டுள்ளது. பொலிஸார் இம் மோதலை தடுத்துள்ளதாக தெரிவிக்கப்படுகின்றது. இவ்வருடத்திற்கான முதலாவது மேல் மாகாண சபை கூட்டம் இன்று இடம்பெறுவதாக தெரிவிக்கப்படுகின்றது.