குடும்பத்தினருக்கும், தொண்டர்களுக்கும் ரூ.10 வழங்கிய கருணாநிதி: இது பொங்கல் தாராளம்

தைப்பொங்கல் விழாவை முன்னிட்டு தனது குடும்பத்தினருக்கும், நிர்வாகிகளுக்கும் தலைவர் கருணாநிதி 10 ரூபாய் வழங்கியுள்ளார்.
பொங்கல் நாளான நேற்று சென்னை கோபாலபுரம் மற்றும் சி.ஐ.டி காலனியில் உள்ள கருணாநிதியின் வீடுகள், ஆழ்வார்பேட்டையில் உள்ள ஸ்டாலின் வீடு, அண்ணா அறிவாலயம் போன்றவை வண்ண விளக்குகளாலும், வாழை மரம் மற்றும் மாவிலை தோரணங்களாலும் அலங்கரிக்கப்பட்டு இருந்தன.

கருணாநிதியை சந்திக்க, அவரின் கோபாலபுரம் வீட்டிற்கு காலையில் இருந்தே தொண்டர்கள் நிறைய அளவில் திரண்டனர்.

தன்னை சந்தித்த கட்சி பிரமுகர்களின் வாழ்த்துக்களை ஏற்ற கருணாநிதி, அவர்களுக்கு தலா 10 ரூபாய் வழங்கினார். பின் சி.ஐ.டி காலனியில் உள்ள வீட்டிற்கு கருணாநிதி சென்றார்.

அங்கு, துணைவி ராஜாத்தி, மகள் கனிமொழி ஆகியோர் அவரிடம் ஆசி பெற்றனர். அப்போது ராஜாத்திக்கும், மகள் கனிமொழிக்கும் கருணாநிதி தலா 10 ரூபாய் வழங்கினார்.