43 பேர்களின் உயிர்களை பறித்த விஷச்சாராயம்!

by oviya Thu Jan 15, 2015 1:35 pm

உத்திரபிரதேசத்தில் விஷச்சாராயத்திற்கு பலியானோரின் எண்ணிக்கை அதிகரித்துள்ளது.
இதை லக்னோ மற்றும் அருகில் உள்ள உன்னாவோ மாவட்டத்தின் பல்வேறு பகுதிகளை சேர்ந்த ஏராளமானோர் வாங்கி குடித்தனர்.

இதனால் பாதிக்கப்பட்ட 100-க்கும் மேற்பட்டோர் சிறிது நேரத்திலேயே சுருண்டு விழுந்து மயங்கினர். அவர்கள் அனைவரும் லக்னோவில் உள்ள பல்வேறு மருத்துவமனைகளில் உடனடியாக சேர்க்கப்பட்டனர். இதில் நேற்று முன்தினம் வரை 31 பேர் உயிரிழந்தனர்.

நேற்று முன்தினம் இரவு மேலும் 12 பேர் உயிரிழந்ததை தொடர்ந்து விஷச்சாராய பலி எண்ணிக்கை 43 ஆக உயர்ந்தது. இன்னும் 60-க்கும் மேற்பட்டோர் மருத்துவமனைகளில் சிகிச்சை பெற்று வருகிறார்கள்.

இதில் பெரும்பாலானோருக்கு பார்வை பறிபோய் விட்டதாக மருத்துவர்கள் தெரிவித்தனர்.

இந்த பரிதாப சம்பவத்தை தொடர்ந்து மாநில கலால் ஆணையர் மாற்றப்பட்டு உள்ளார். மேலும் ஒரு இணை ஆணையர் மற்றும் பொலிசார் என 22 அதிகாரிகள் பணியிடை நீக்கம் செய்யப்பட்டு உள்ளனர்.

இந்த சாராயத்தை விற்பனை செய்த ஜக்னு என்பவர் உள்பட பலர் கைது செய்யப்பட்டு உள்ளனர்.