தமிழர் திருநாளாம் தைபொங்கலை மக்கள் மகிழ்வாக கொண்டாடினர்

தமிழர் தம் பண்பாட்டின் திருநாளாக இன்று தாயகத்திலும் உலகமெங்கிலும் உள்ள தமிழர்கள் பொங்கல் திருநாளை வெகு விமர்சையாக கொண்டாடினர்.

எளிமையாகவும் மகிழ்வாகவும் இன்றைய பொங்கலை தமிழ் மக்கள் வரவேற்றனர். உள்ளுக்குள் ஆயிரம் துயர்கள் இன்னும் கலையாமல் உள்ள போதும் பண்பாடு என்னும் மகத்துவத்தை போற்றும் தமிழர்களாக இன்றும் என்றும் வாழ எமது மக்கள் பழக்கப்பட்டுள்ளனர்.

இலங்கையில் ஜனாதிபதி தேர்தல் நடந்தேறி தமிழர்கள் தாம் விரும்பிய தீர்ப்பை தேர்தலில் எழுதியுள்ள நிலையில் இன்னும் பல மாற்றங்களுக்காக தமிழர்களின் மனம் ஏங்குகின்ற நிலையில் இத்தைப்பொங்கல் வந்துள்ளது குறிப்பிடத்தக்கது.

இன்றைய பொங்கல் திருநாள் தமிழ்த் தேசிய கூட்டமைப்பின் கிளிநொச்சி மாவட்ட அலுவலகமான அறிவகத்திலும் பா.உறுப்பினர் சி.சிறீதரன் மற்றும் கட்சி நிர்வாகிகளால் வரவேற்கப்பட்டுள்ளது.