பொலிஸ் வேடத்தில் கொள்ளையிட்டவர்கள் கொச்சிக்கடையில் கைது

பொலிஸ் அதிகாரிகள் எனக் கூறி வர்த்தகர்களை பயமுறுத்தி பணத்தை கொள்ளையிட்டு வந்த நான்கு பேர் கொச்சிக்கடை, தளுவகொட்டுவ பிரதேசத்தில் கைது செய்யப்பட்டுள்ளனர்.
கொச்சிக்கடை பொலிஸாருக்கு கிடைத்த தகவல் ஒன்றை அடுத்து மேற்கொள்ளப்பட்ட தேடுதலில் இவர்கள் கைது செய்யப்பட்டுள்ளனர்.

கைது செய்யப்பட்ட சந்தேக நபர்களிடம் மேற்கொள்ளப்பட்ட விசாரணைகளில் அவர்கள் மேற்கொள்ள கொள்ளை சம்பவங்கள் பற்றிய தகவல்கள் கிடைத்துள்ளன.

பன்னல, நீர்கொழும்பு, தங்கொட்டுவ, கொட்டுகொட ஆகிய பிரதேசங்களை சேர்ந்த 24, 28 மற்றும் 32 வயதான நபர்களே இவ்வாறு கைது செய்யப்பட்டுள்ளனர்.

இவர்கள் நீர்கொழும்பு நீதவான் நீதிமன்றத்தில் ஆஜர்ப்படுத்தப்பட உள்ளனர்.