ஜனாதிபதி மஹிந்த 54 வீதமான வாக்குகளைப் பெற்றுக் கொள்வார்: சத்லங்கா அமைப்பு

by oviya Sun Jan 04, 2015 10:55 am

ஜனாதிபதி மஹிந்த ராஜபக்ச 54 வீதமான வாக்குகளைப் பெற்றுக்கொள்வார் என சத் லங்கா அமைப்பு என்ற அமைப்பு நடத்திய ஆய்வின் மூலம் தெரியவந்துள்ளது.
எதிர்வரும் ஜனாதிபதி தேர்தலில் ஜனாதிபதி மஹிந்த ராஜபக்ச முன்னணி வகிப்பதாக கொழும்பில் இன்று நடைபெற்ற செய்தியாளர் சந்திப்பின் போது சத் லங்கா அமைப்பின் உறுப்பினர் கொழும்பு ஸ்ரீ ஜயவர்தனபுர பல்கல்கலைக்கழகத்தின் புவியியல் பீட பேராசிரியர் ஆர்.எம்.கே ரட்நாயக்க தெரிவித்துள்ளார்.

நிலையான தொலைபேசிகளின் உரிமையாளர்கள் 41629 பேரிடம் இந்த ஆய்வு நடத்தப்பட்டது.

எதிர்வரும் ஜனாதிபதி தேர்தலில் ஜனாதிபதி மஹிந்த ராஜபக்ச 54.7 வீதமான வாக்குகளைப் பெற்றுக் கொள்வார்.

பொது வேட்பாளர் மைத்திரிபால சிறிசேன 40.02 வீத வாக்குகளைப் பெற்றுக்கொள்வார்.

தொலைபேசி வாடிக்கையாளர்களிடம் ஐந்து கேள்விகள் கேட்டு இந்த ஆய்வு நடத்தப்பட்டுள்ளது.

இந்த ஆய்வு தொடர்பில் 95 வீதமான நம்பிக்கை உண்டு என பேராசிரியர் ரட்நாயக்க தெரிவித்துள்ளார்.