நாடாளுமன்றத்தில் கவிஞர் வைரமுத்துவுக்கு வள்ளுவர் வாழ்நாள் சாதனையாளர் விருது

கவிஞர் வைரமுத்து உள்பட 5 பேருக்கு நாடாளுமன்றத்தில் நாளை நடைபெற உள்ள திருக்குறள் திருவிழாவில் வள்ளுவர் விருதுகள் வழங்கப்பட உள்ளன.
நாடாளுமன்ற வளாகத்தில் வியாழன் காலை கொண்டாடப்பட உள்ள திருவள்ளுவர் திருவிழாவில் மத்திய அமைச்சர்கள் வெங்கைய நாயுடு, ஸ்மிருதி இரானி மற்றும் நாடாளுமன்ற உறுப்பினர்கள், அனைத்துக் கட்சி தலைவர்கள் கலந்துகொள்கிறார்கள்.

இந்த விழாவில் கவிஞர் வைரமுத்துவுக்கு வள்ளுவர் வாழ்நாள் சாதனையாளர் விருது வழங்கப்படுகிறது.

கல்வியாளர் வா.செ.குழந்தைசாமி, பொன்னம்பல அடிகளார், தினமணி ஆசிரியர் கே.வைத்தியநாதன், எழுத்தாளர் ஜோ.டி.குரூஸ் ஆகியோருக்கு திருவள்ளுவர் சிறப்பு விருது வழங்கப்படுகிறது.

இந்த விழாவில் தமிழகத்தை சேர்ந்த 133 மாணவ-மாணவிகள் பங்கேற்று திருக்குறளை ஒப்பிக்க உள்ளனர்.

திருவள்ளுவரை இந்தியா முழுவதும் கொண்டு செல்லும் முயற்சி இது என்று விழாவை ஏற்பாடு செய்து வரும் தருண் விஜய் எம்.பி தெரிவித்துள்ளார்.