அதிர்ச்சி தரும் இரகசியங்களை அம்பலப்படுத்தும் சஜின்வாஸ்: அமைச்சர் ராஜித தகவல்

மஹிந்த ராஜபக்ஷ அரசின் முன்னாள் பிரதியமைச்சரான சஜின் வாஸ் குணவர்த்தன அதிர்ச்சி தரும் பல இரகசியங்களை அம்பலப்படுத்தியுள்ளதாக அமைச்சர் ராஜித சேனாரத்ன தெரிவித்துள்ளார்.
அமைச்சர் ராஜித சேனாரத்ன நேற்று பேருவளையில் இடம்பெற்ற நிகழ்வொன்றில் பிரதம அதிதியாகக் கலந்து கொண்டு பொதுமக்களுக்கான அபிவிருத்தித் திட்டங்களை ஆரம்பித்து வைத்த பின்னர் உரையாற்றும் போது மேற்கண்டவாறு தெரிவித்துள்ளார்.

தொடர்ந்தும் உரையாற்றிய அமைச்சர் ராஜித,

சஜின் வாஸ் குணவர்த்தன> முன்னாள் ஜனாதிபதி மஹிந்தவின் ஆட்சியில் ஒரு அதிகாரமிக்க நபர்.

இப்போது அவர் முன்னைய அரசாங்கத்தின் இரகசிய கொடுக்கல் வாங்கல்கள் தொடர்பான இரகசியங்களை வெளியிட்டுக் கொண்டிருக்கின்றார். அவற்றில் பல தகவல்கள் அதிர்ச்சிகரமானவையாகும்.

அவ்வாறு வெளியிடப்படும் இரகசிய கொடுக்கல் வாங்கல்களில் அரசர்கள் போன்று தங்களை நினைத்துக் கொண்டிருந்த சிலரும் சம்பந்தப்பட்டுள்ளார்கள். அதற்கு மேலதிகமாக வேறு நபர்களும் தொடர்பு பட்டுள்ளனர்.

இது தொடர்பான விசாரணைகள் தற்போது முன்னெடுக்கப்பட்டு வருகின்றன என்றும் அவர் தெரிவித்துள்ளார்.