இந்தி நடிகையுடன் மேடையில் செல்ஃபி எடுத்து சர்ச்சையில் சிக்கிய முதலமைச்சர்

சத்தீஸ்கர் முதல்வர் ரமண்சிங் இந்தி நடிகையுடன் செல்ஃபி எடுத்து தற்போது சர்ச்சையில் சிக்கியுள்ளார்.
சத்தீஸ்கரின் தலைநகர் ராய்ப்பூரில் யூனிசெப் அமைப்பு, மாநில பள்ளி கல்வித்துறை ஆகியவை இணைந்து குழந்தைகள் உரிமை குறித்த நிகழ்ச்சி ஒன்றை நடத்தியுள்ளது.

அந்நிகழ்ச்சிக்கு யூனிசெப் சிறப்பு தூதர் இந்தி நடிகை கரீனா கபூர் சென்றுள்ளார்.

இந்நிலையில், நிகழ்ச்சியின் போது மாநில முதல்வர் ரமண்சிங் மேடையில் தனது அருகில் அமர்ந்திருந்த கரீனா கபூருடன் செல்ஃபி எடுத்துள்ளார்.

இதற்கு கடும் கண்டனம் தெரிவித்துள்ள மாநில காங்கிரஸ் தலைவர் பூபேஸ் பகெல், மாநிலத்தில் வறட்சி தாண்டவமாடி விவசாயிகள் தற்கொலை செய்து கொள்கின்றனர்.

இதைப் பற்றி கவலைப்படாத முதல்வர் ரமண்சிங் நடிகையுடன் செல்பி எடுத்துக் கொண்டிருப்பதா? என வினவியுள்ளார்.

தற்போது இந்த செல்ஃபி விவகாரம் பெரும் சர்ச்சையை எழுப்பியுள்ளது.