ஹற்றனில் பஸ் விபத்து! மூவா் உயிரிழப்பு!- 29 போ் படுகாயம்!- 13 போ் கவலைக்கிடம்

ஹற்றன் பொலிஸ் பிரிவிற்குட்பட்ட ஹட்டன், டிக்கோயாவில் இடம்பெற்ற பஸ் விபத்தில் மூவர் பலியானதுடன் 42 போ் காயமடைந்துள்ளதாக ஹற்றன் பொலிஸார் தெரிவித்தனர்.
ஆண் ஒருவரும் (வயது54) பெண்கள் இருவருமே (வயது 74,47) இவ்வாறு உயிரிழந்துள்ளனர்.

படுகாயமடைந்த 42 பேர் டிக்கோயா மாவட்ட வைத்தியசாலையில் சிகிச்சை பெற்று வருகின்றனர்.

சலங்கண்டியிலிருந்து ஹற்றன் நோக்கி பயணித்த தனியார் பஸ்ஸே, இன்வெரி பகுதியில் இன்று புதன்கிழமை பிற்பகல் 1.00 மணியளவில் வீதியை விட்டு விலகி பள்ளத்தில் விழுந்து விபத்துக்குள்ளாகியுள்ளது.

சம்பவத்தில் காயமடைந்தவர்களில் 13 பேரின் நிலை கவலைக்கிடமாக இருப்பதாகவும் அவர்கள் நாவலப்பிட்டி வைத்தியசாலைக்கு மாற்றப்பட்டுள்ளதாக வைத்தியசாலை வட்டாரங்கள் தெரிவிக்கின்றன.