முல்லைத்தீவில் பஸ் விபத்து: இருவர் படுகாயம்

முல்லைத்தீவில் இன்று அதிகாலை இடம்பெற்ற விபத்து ஒன்றில் இருவர் படுகாயமடைந்து வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்தனர்.

கொழும்பில் இருந்து யாழ். பருத்தித்துறை நோக்கி சென்ற இலங்கை போக்குவரத்து சபைக்கு சொந்தமான பஸ் முல்லைத்தீவு கொக்காவில் பகுதியில் விபத்துக்குள்ளாகியுள்ளது.

கொக்காவில் பகுதியில் எ9 வீதியில் நிறுத்தி வைக்கப்பட்டுள்ள பாரவூர்தி ஒன்றுடன் மோதியதினாலேயே இவ் விபத்து ஏற்பட்டுள்ளதாக பொலிஸார் தெரிவித்துள்ளனர்.

இதில் பஸ் சாரதியும் நடத்துனருமே படுகாயமடைந்த நிலையில் வைத்தியசாலையில் அனுமதிக்கப்பட்டுள்ளனர்.

இது தொடர்பான மேலதிக தகவல்களை பொலிஸார் மேற்கொண்டு வருகின்றனர்.