வெள்ளத்தால் உருக்குலைந்து போன கடலூர்! உணவு, தண்ணீர் இன்றி தவிக்கும் மக்கள்

நான்கு நாட்களில் பெய்த கனமழை காரணமாக கடலூர் மாவட்டம் முழுவதும் வெள்ளக்காடாய் காட்சியளிக்கிறது.
பாலங்கள் உடைந்து சாலைகள் அடித்து செல்லப்பட்டதால் பொது மக்கள் வீட்டுக்குள்ளேயே முடங்கி கிடப்பதால் அவர்களின், இயல்பு வாழ்க்கை அடியோடு பாதிக்கப்பட்டுள்ளது.

பெரியகாட்டுப்பாளையம், குறிஞ்சிப்பாடி, விசூர் என மாவட்டம் முழுவதும் இதுவரை 22 பேர் கனமழைக்கு உயிர் இழந்துள்ளனர்.

மேலும், வாழை, நெல், கரும்பு என சுமார் 75 ஆயிரம் ஏக்கர் விளைநிலங்கள் நீரில் மூழ்கியுள்ளதால் விவசாயிகள் கவலை அடைந்துள்ளனர்.

பெரும்பாலும் பல கிராமங்களில் இன்னும் மின்சாரம் துண்டிக்கப்பட்ட நிலையிலேயே உள்ளதால் குடிநீர், உணவு கிடைக்காமல் பொது மக்கள் ஆங்காங்கே சாலை மறியல் போராட்டத்தில் ஈடுபட்டு வருகின்றனர்.