எதிர்க்கட்சிக்கு சார்பாக பிரச்சாரம் செய்த கலைஞர்கள் மீது தாக்குதல்!

எதிர்க்கட்சிக்கு ஆதரவாக பிரச்சாரம் செய்த கலைஞர்கள் மீது தாக்குதல் நடத்தப்பட்டுள்ளது.
குருணாகல் கும்புக்கெட்ட என்னும் இடத்தில் இந்த தாக்குதல் சம்பவம் இன்று முற்பகல் இடம்பெற்றுள்ளது. புதிய தலைமுறை என்ற கலைஞர்கள் அமைப்பின் மீது தாக்குதல் நடத்தப்பட்டுள்ளது.

பிரபல இளைய தலைமுறை நடிகை சமனலி பொன்சேகா உள்ளிட்ட கலைஞர்கள் தாக்கப்பட்டுள்ளனர். சமனலி பொன்சேகா, லக்ஸ்மன் விஜயசேகர,இந்திரசாபா லியனகே, ஜகத் மனுவர்ன உள்ளிட்ட கலைஞர்களே தாக்குதலுக்கு இலக்காகியுள்ளனர்.

பொல்லுகள்,கற்கள் மற்றும் தடிகளைக் கொண்டு கலைஞர்களை ஆளும் ஐக்கிய மக்கள் சுதந்திரக் கூட்டமைப்பின் மாகாணசபை உறுப்பினரும் ஆதரவாளர்களும் தாக்குதல் நடத்தியதாக புதிய தலைமுறை அமைப்பின் உந்துல் பிரேமரட்ன தெரிவித்துள்ளார்.

ஜனாதிபதி வேட்பாளர் மைத்திரிபால சிறிசேனவின் வெற்றியை உறுதி செய்யும் நோக்கில் குருணாகல் கும்புக்கெட்ட பிரதேச மக்கள் தெளிவுபடுத்தப்பட்ட போது தாக்குதல் நடத்தப்பட்டதாக முறைப்பாடு செய்யப்பட்டுள்ளது.