சகோதரரை மைத்திரி அணிக்கு அனுப்பிய அமைச்சர் ரோஹித்த அபேகுணவர்தன

துறைமுக அபிவிருத்தி திட்ட அமைச்சர் ரோஹித்த அபேகுணவர்தன தனது மூத்த சகோதரரான லலித் அபேகுணவர்தனவை பொது வேட்பாளர் மைத்திரிபால சிறிசேனவின் அணிக்கு அனுப்பி வைத்துள்ளதாக தெரியவருகிறது.
லலித் அபேகுணவர்தன மைத்திரிபால அணியில் பலமிக்க நபராக அவரது வெற்றிக்காக பாடுபட்டு வருகிறார்.

லலித் அபேகுணவர்தன பிரதியமைச்சர் வீரகுமார திஸாநாயக்கவின் ஆலோசகராக இருந்து வருவதுடன் வீரகுமார மற்றும் ரோஹித்த அபேகுணவர்தன ஆகியோரின் அனுமதியுடனேயே மைத்திரி அணியில் இணைந்துள்ளார்.

பிரதியமைச்சர் வீரகுமார திஸாநாயக்க இது குறித்து தனது தலைவரான அமைச்சர் விமல் வீரவன்ஷவுக்கும் அறிவித்துள்ளார்.

மைத்திரிபால சிறிசேன ஜனாதிபதித் தேர்தலில் வெற்றி பெற்றால், இந்த அமைச்சர்கள் அனைவரையும் பாதுகாக்கும் நபராக லலித் அபேகுணவர்தன இருப்பார் என கூறப்படுகிறது.